আন চাম (চাকমা কবিতা)

– বিকেন চেগে

এ বারিঝাত ফুধো ফুধো ঝরফুধার সমারে কধা
এ বারিঝাত সবন মনত ওই উধে গতগত জেধা,
মরে তর ইধোত উধে দ্বিজনর অচিন্যা এ সঅরত
মুই তুই গেলং আহ্’দি মাওজেতুঙর বর পধত!
তর অহ্’লে ইধোত থেধ নই তরমর সেদিনর নিজেনি
সঅরর বরবর বেল্ডিঙর তলে উয়ে দ্বিজনর আহ্’দনি,
এ বারিঝাত কেঝান কেনে তর কধানি ইধোত জাগিল
তর কধা, তর আরুক্কোই কধা কবার পরান মাগিল!

কধে তুই কেঝান আঘচ তর লারেয়র মাত ছিদি ছিদি
কেঝান আঘন তর কোচপেয়্যা লোরবোবনুনে মাদিতাদি,
মর ভজান জানিবার তিরোচ উয়ে, তমা কধা ইধোদে
মুই মুরোল্যার বুগত সবনর পধত তরে ভাবং আহ্’দদে।
যুনি আর দ্বিজনর লারেয়র পধত দেঘা অয় যিধুসিধু
ওক হোচিমিনত, ন অলে মাওজেতুঙর জনম উয়ে যিধু,
সক্কে কধাগানি কোয় লবং একসবনর মুজঙর বাবোদার
মেদিনীর বুক্কো ছিরি আমিও ওই উদিবং মেদিনীর বার!

আন চাম (Anh cam)

Spread the love
RannyePhul

Explore Chakma Literature, Culture & History

https://rannyephul.com

Leave a Reply

Your email address will not be published. Required fields are marked *