একশ বঝর জেরে (চাকমা কবিতা)

– সুশীল বিকাশ চাকমা

একশ বঝর জেরে-
থেবাক দিন মাস বঝর-বিঝু এব’ বিঝু যেব’
থেব’ শঙ্গ মাতামুরী চেঙে কাজলং কর্ণফুলী বরগাং
মোন মুর’ ছড়াছড়ি বুকখ্যাং- ইয়ানী থেব জন’মান ।

একশ বঝর জেরে-
রেদ’ আন্দারত্ ধল পর পর কাধি উধিব’
ভোরন্দি আদামত রাদায় ডাককারিবেক, শুন’ যেব ঢিঙি র’
ঝাড়’ পেগে গীত গেবাক চিক চিক- চিং চিং- পিও পিও-শিক কারিহ্।
উড়িবেক ডুয়া মেলি যার যিন্দি মনে কয় ওচ পুরেই।

একশ বঝর জেরে-
পিনোন পিন্যা হাদিবান্ন্যা গাবুরী কি থেব’-
থেঙত্ হারু আঝুলী-টেঙাছড়া কুজিহারু ঝুম্বুলী কজফুল পিনি?
কানত্ চুলসুদত্ ছদরকফুল গুজেই আহ্‌ঝি আহ্‌ঝি-
জুম ঘরত ইজরত বইনে আহ্ নলে বেরেই বেরেই
এক্কা এক্কা কুনকুনেই দেবংশী মিলে সান গোরি?

একশ বঝর জেরে-
নাকি মায়ানমারর চাঙমা মিলেই থামি পিনন্যা ধক গোরি
হিল চাদিগাঙর চাঙমা উড়োন-পিনোন রুবরাদি যাদু ঘরত লুগেরাগেই
বানা-শাড়ী-ব্লাউচ-কামিজ উড়ি বাঙাল মিলে সাঝি থেই
বেই ভূঝি-মুঝি-পিজেই ন’ ডাগি-দিদি ভাবি মাসি-পিসি ডাগি ভদ্র-অহ্বাক?

একশ বঝর জেরে-
আমা হিল চাদিগাঙর তানজাঙ’র ঝরঝরির লগে সুর মিলেই ফালিতাঙ্যা চুগত

বাবদা উড়েই দশ ভাচ্ছোই তের ভেইয়ে যধা অহ্‌ই কি ডাগি পারিবেক?
বিজয়গিরি- লার্মা-তুমি এয়’, চ’গী আমি জিত্তেই আমি জিত্তেই
তেক্ তেক্ রেঙকারি, গেই উধিবেক- ইয়েন আমাদেশ- ইয়েন আমাদেশ।

একশ বঝর জেরে-
জুম চাবত লাঙেল’ পধে পধে ছদরক ফুল’ সান গোরি
গাবুচ্ছ্যা-গাবুরী লাঙ্যা-লাঙনী আধেঁ আধেঁ ধরি।

ঝাক ঝাক গোরি রেঙ’ চাক ফেলেই যদি গেই যান-

আমাদেচ্ছান মুর’মরি গাঙে ছড়ায় ভরা
আমাদেচ্ছান সাগর মানয্যয়োর সাগর আঝায় গরা
আমাদেচ্ছান সাগর মানেক সোনায় রূবয় ভরা।

একশ বঝর জেরে-
যদি গাবুর লগে গাজ’ ছাবাত্‌-জুন্হ পহ্’রত ঘিলে হারা- নাধেং হারা পত্তিহারা হন
মোন’ ঘর’ ইজরত্ শিঙ্যা-বাঝি ঢুধুক বান-
আহ্ মিলে লগে খেংগরং বাজান
ছক্কে মুই জারকাল্ল্যা মোন’ কুয়াঙত্ ফুয়া অইনেই-
ছক্কে মুই খরান্ন্যাত তারুমর বয়ের অইনেই-
বারিজিয়ো নানা রঙর মেঘচাগা ওহ্‌ই তারা লগে মোজি থেম।

একশ বঝর জের

– সুশীল বিকাশ চাকমা

একশ বঝর জেরে-
থেবাক দিন মাস বঝর-বিঝু এব’ বিঝু যেব’
থেব’ শঙ্গ মাতামুরী চেঙে কাজলং কর্ণফুলী বরগাং
মোন মুর’ ছড়াছড়ি বুকখ্যাং- ইয়ানী থেব জন’মান ।

একশ বঝর জেরে-
রেদ’ আন্দারত্ ধল পর পর কাধি উধিব’
ভোরন্দি আদামত রাদায় ডাককারিবেক, শুন’ যেব ঢিঙি র’
ঝাড়’ পেগে গীত গেবাক চিক চিক- চিং চিং- পিওপিও-শিক্বারি।
উড়িবেক ডুয়া মেলি যার যিন্দি মনে কয় ওচ পুরেই।

একশ বঝর জেরে-
পিনোন পিন্যা হাদিবান্ন্যা গাবুরী কি থেব’-
থেঙত্ হারু আঝুলী-টেঙাছড়া কুজিহারু ঝুম্বুলী কজফুল পিনি?
কানত্ চুলসুদত্ ছদরকফুল গুজেই আহ্‌ঝি আহ্‌ঝি-
জুম ঘরত ইজরত বইনে আহ্ নলে বেরেই বেরেই
এক্কা এক্কা কুনকুনেই দেবংশী মিলে সান গোরি?

একশ বঝর জেরে-
নাকি মায়ানমারর চাঙমা মিলেই থামি পিনন্যা ধক গোরি
হিল চাদিগাঙর চাঙমা উড়োন-পিনোন রুবরাদি যাদু ঘরত লুগেরাগেই
বানা-শাড়ী-ব্লাউচ-কামিজ উড়ি বাঙাল মিলে সাঝি থেই
বেই ভূঝি-মুঝি-পিজেই ন’ ডাগি-দিদি ভাবি মাসি-পিসি ডাগি ভদ্র-অহ্বাক?

একশ বঝর জেরে-
আমা হিল চাদিগাঙর তানজাঙ’র ঝরঝরির লগে সুর মিলেই ফালিতাঙ্যা চুগত
বাবদা উড়েই দশ ভাচ্ছোই তের ভেইয়ে যধা অহ্‌ই কি ডাগি পারিবেক?
বিজয়গিরি- লার্মা-তুমি এয়’, চ’গী আমি জিত্তেই আমি জিত্তেই
তেক্ তেক্ রেঙকারি, গেই উধিবেক- ইয়েন আমাদেশ- ইয়েন আমাদেশ।

একশ বঝর জেরে-
জুম চাবত লাঙেল’ পধে পধে ছদরক ফুল’ সান গোরি
গাবুচ্ছ্যা-গাবুরী লাঙ্যা-লাঙনী আধেঁ আধেঁ ধরি।
ঝাক ঝাক গোরি রেঙ’ চাক ফেলেই যদি গেই যান-
আমাদেচ্ছান মুর’মরি গাঙে ছড়ায় ভরা
আমাদেচ্ছান সাগর মানয্যয়োর সাগর আঝায় গরা
আমাদেচ্ছান সাগর মানেক সোনায় রূবয় ভরা।

একশ বঝর জেরে-
যদি গাবুর লগে গাজ’ ছাবাত্‌-জুন্হ পহ্’রত ঘিলে হারা- নাধেং হারা পত্তিহারা হন
মোন’ ঘর’ ইজরত্ শিঙ্যা-বাঝি ঢুধুক বান-
আহ্ মিলে লগে খেংগরং বাজান
ছক্কে মুই জারকাল্ল্যা মোন’ কুয়াঙত্ ফুয়া অইনেই-
ছক্কে মুই খরান্ন্যাত তারুমর বয়ের অইনেই-
বারিজিয়ো নানা রঙর মেঘচাগা ওহ্‌ই তারা লগে মোজি থেম।

একশ বঝর জেরে

Spread the love
RannyePhul

Explore Chakma Literature, Culture & History

https://rannyephul.com

Leave a Reply

Your email address will not be published. Required fields are marked *