এক তিরোস্যে লাঙ্যের কধা (চাকমা কবিতা)

– সুজন চাকমা (জুম্মধন)

উঝোন-লামন গত্থে সলাত দেঘচ যুদি পত্তাপত্তির ঝাক
মনে গরিচ মুইও আঘং, পেভার আঝায় তরেহ্ লাঃক।
আহ্ওল-ফাওল ওহ্ই যুদিও যাং পুনে পুনে
হ্য়দ এক সেকেন্ডও সময় ন অহ্ব আর তর ম নাঙে।

তুও, সাঝঞ্যেত জুন্হিপুক ওহ্ই কিজিঙত বাচ্ছে থেম
ঘরত ন ল্হুমানা সং তর পিঝে পিঝে যেম।
সেদিন্নে ওহ্চ পুরেম তম্হা ঘরত যানার
বেক কিঝু থেব, বানা ন থেব অভিযোগর ব্যানার।

পত্তি বেন্যে চেই থেম উধোনর জবা ফুল’ গাচ্ছুত্তুন
থুপ থুপ খুঝি ঝরিবু তর আ-মু-ধোয়্যে আহ্ঝিত্তুন।
তর মন খারাবর অক্থত অলর থেম ত টেবিলর কাাই
ন ভাবিচ তুই সেদিন্যে আঘচ বানা গাই।

আগাচ ভাঙিনে যুদি লামি এঝে ঝর
দিচ লামিবার, দিচ কানিবার।
গোহ্’র বুক পাদল গরিচ, ম কধা ভুলিনে
খেমা গরিচ, ভুল যুদি অহ্ই তরেহ্ পেভার চে’নে।

এক তিরোস্যে লাঙ্যের কধা

✍️ ১৬ ফেব্রুয়ারী ২০২২

Spread the love
RannyePhul

Explore Chakma Literature, Culture & History

https://rannyephul.com

Leave a Reply

Your email address will not be published. Required fields are marked *