এনঝান দোল জাগাগান (চাকমা গান)

কথা ও সুর: কুমার সমিত রায়

[ভালক বঝর আগে হালাম্বা আগারে বেরা যেয়ুং। একদিন্যা বেলান উধের, মুই এলুং মুরোহ্ লেজাত, ছরা পারত। জাগান ভারি দোল লাগের…]

এনঝান দোল জাগাগান কুধু আঘে কিজেনি

রঙ বেরঙর তেনতঙরি অবাং পাদারে যাদন উরি,
এনঝান দোল জাগাগান কুধু আঘে কিজেনি।
পিনোন পিন্যা, খাদি বান্যা গাভুর মিলা ঝাক বানি
সোজ্য ভুইওর সেরন্দি কুধু যাদন আহ্’জি আহ্’জি
এনঝান দোল জাগাগান কুধু আঘে কিজেনি।

ভালক বাবদর পত্তাপত্তি রোদো ছদগত দ্বোআ মেলি
গাঝে গাঝে এহ্’ত দাগাগুন গুলা খাদন সিচকারি।।

কালা কালা বোরোনি চেরোকিত্যা যাদন উরিহ্
এনঝান দোল জাগাগান কুধু আঘে কিজেনি।

মোনে মোনে কেতকেত্যা র আম্হক ওহ্’নেই সুনি আঘং,
এগামনে অহ্’গলক্কু চামেনি গাঝর বেঙা ধেলাত যার দগরি।।

চিগোন চিগোন সুদোত্তুবি নাজি নাজি যাদন উরিহ্,
এনঝান দোল জাগাগান কুধু আঘে কিজেনি।

 

Spread the love
RannyePhul

Explore Chakma Literature, Culture & History

https://rannyephul.com

Leave a Reply

Your email address will not be published. Required fields are marked *