মিলে তুই (চাকমা কবিতা)

– বাসু দেব চাকমা

মিলে তুই,
মিলে ওই নথেচ আর!
দুনিয়ের আদ্ধান ত আদত,
গুজি ল’ নিজো ভার।
বাজিবার পুজোরত মিলে-মরদ ভাগ নয়!
পর হানাত ভর দি বাজানা জীংহানি নয়!
রুবে-রঙে সাজি হার আন্দলে-
নতোগেচ নিজো সুখ!

তুই লারেয়োর সাজে সাজ,
সই ল জীংহানিত লারেয়োর দুখ!
বিজগর পাদা হুলি বিজগ লিগি যা
দুনিয়ের শাসনত তরও আগে ভাগ!
কাচ্ছেগির শিঙোরত রিনি চা,
এজ আগে তর রোগোনি দাগ।

মিলে তুই,
মিলে ওই নথেচ আর!
সবনর সবনত বানা,
অলেগনে নগুরিচ জীংহানি পার!
আরুক ছাড়া হিয়েলোই হেনে তুই থিয়েবে?
হধক আর তরে তুই আদুপাড়ি গোজেবে?
তুই সোজেনেই জুলি উঠ্!
মুজুঙান ত আদত!

বেক লোরবো চেলার জনম?
সিয়ান দ ত’ পেদত!
এ অদিনোর মেঘে সেরে বেঅক্তত,
গুজি ল ত’ শাসনর ভার!
তর লারেই নয় নিজোত্তে!
তুই আনিবে বেগর অধিকার!

Spread the love
RannyePhul

Explore Chakma Literature, Culture & History

https://rannyephul.com

Leave a Reply

Your email address will not be published. Required fields are marked *