মোন-মুরোহ্‌র বুক আহ্‌ঙে (চাকমা কবিতা)

– সুজন চাকমা (জুম্মধন)

খিলমাজ্যে বুগোত আগুন জলি জলি উধে
মুরোহ্‌উনি কানদন, দোজ্যের তুবোলুনে আহ্‌ঝদন
ইধু লো দেনা-লনার খারা চলে
ইধু বারুদোর খুওত্তলে বিচ ধালাধালি চলে।
চেরবন্দী দেবালত আবুজি কু-চিদে ন গেলে
মোন-মুরোহ্‌র বুক আহ্‌ঙিবু কোচপানার রাধে।

সান্দির কোদোরুন কাদাতারত রোগোনি
ভাঙানার বদলে চলে কাদাতার জরানি!
আহ্‌ত মু বন, থামি যেয়ি রণ
বাচ্ছানা ইক্‌খে বানা এক্‌খান সম্বল।
সে অক্থর গুরোয় ইক্‌খে গাবুর ভরন-বিরোন
এধক বঝর বাচ্ছানা কি এক্করে কম?

কি অহ্‌ব চেই থেলে এঙিরিনেই!
রেনা-রেনি, কেনা-কেনি কয়দিন আর ভেই?
বেগর চাহ্‌না যদি অহ্‌ই সুঘে বাজানা
সালেন কিত্থেই এধক নাটক সাজানা?
ট্রেজেডির এ নাটক, ওতারাইধু কমেডি ছারা কিচ্ছু নয়।

ইধু দরগার আমনরে আমনর কোচপানা
দরগার ইখ্যে আঝল সত্তুর চিনেহ্‌না,
বন্ধ ওহ্‌ক ঘর’ উন্দুরোর বের কামারানা
ইধু ভজান গরিহ্ দরগার বিচ্ছেচ আর কোচপানা।

মোন-মুরোহ্‌র বুক আহ্‌ঙে

✍️ ১১/০৬/২০২২

Spread the love
RannyePhul

Explore Chakma Literature, Culture & History

https://rannyephul.com

Leave a Reply

Your email address will not be published. Required fields are marked *