রিব রিব প’হর (চাকমা কবিতা)

– পুনং চান

চেবেনি সোমে তুই রিবেং ও থুমান’ত,
যেবেনি আদি তুই হোচপানা পত্তান’ত,
জিংহানি এক্কান আগে স’ব’ন’ত,
স’ব’ন ও বেলান উদের ম’নান’ত,

রিব রিব প’হর রিব রিবব প’হর,
উদের বেলান আগাজ’ত হোচপানা সান,
হুও ভাংঙি মোন ফারি বেন্যে মাদান,
চিদোত ফুত্তি ইদোত উত্তি হোচপানাগান,
রিব রিব প’হরান রিব প’হরান,

জিক্কে গুরি মোন মুরো ফারি,
উত্তি রাঙা বেলান,
জুরো গুরিবেনি রিবেং ফারি,
উত্তি হোচপানাগান,

বিনি আদা সান হোচপানাগান,
বাজি আগে প’রান’ত হোচপানাগান,
চিগুত ম’নান’ত এযের মুয়ান’ত,
নানাং বাব’ধ’র হোচপানার গান,
আওঝো হ’ধানি তোগাই বোয়েরো গোঙাঁর,
মুরোং বোয়ের’ত পুরি গোঙাঁর’ত তা সিদু যার,
বুঝে ন’ বুঝে সুনে ন’ সুনে হ’ব’র ন’ পার,
বানা ভাজি যার মেয়োনি ছ’রা গাং চেঙে পারে পার।

রিব রিব প’হর

ইংরেজি বর্ণান্তর: Rib Rib Pohr (Chakma Poem)

Spread the love
RannyePhul

Explore Chakma Literature, Culture & History

https://rannyephul.com

Leave a Reply

Your email address will not be published. Required fields are marked *