𑄟𑄪𑄭 𑄚𑄧 𑄗𑄚𑄢𑄴 𑄛𑄧𑄢𑄬 (চাঙমা কবিদে)

– 𑄟𑄳𑄠𑄇𑄴𑄣𑄨𑄚𑄴 𑄌𑄋𑄴𑄟

𑄟𑄪𑄭 𑄚𑄧 𑄗𑄚𑄢𑄴 𑄛𑄧𑄢𑄬
𑄄𑄢𑄪𑄇𑄴 𑄛𑄨𑄖𑄴𑄨𑄟𑄨𑄢𑄴 𑄥𑄪𑄙𑄮𑄟𑄬
𑄆𑄎𑄚𑄴 𑄉𑄧𑄢𑄨 𑄝𑄬𑄣𑄴 𑄅𑄙𑄨𑄝𑄮, 𑄝𑄬𑄣𑄴 𑄘𑄪𑄝𑄨𑄝𑄮
𑄘𑄧𑄉𑄨𑄚𑄮 𑄝𑄮𑄠𑄬𑄢𑄴 𑄈𑄬𑄣𑄨𑄝𑄮
𑄖𑄧𑄢𑄴 𑄚𑄪𑄃𑄮 𑄇𑄧𑄎𑄧𑄟 𑄟𑄧𑄚𑄧 𑄛𑄨𑄖𑄴𑄨𑄟𑄨𑄖𑄴𑅁

𑄆 𑄜𑄬𑄣 𑄡𑄬𑄠𑄴𑄳𑄠 𑄇𑄧𑄝𑄨𑄢𑄴 𑄎𑄉 𑄚𑄧 𑄦𑄧𑄝𑄧 𑄃𑄢𑄴 𑄖𑄧𑄢𑄴 𑄇𑄧𑄎𑄧𑄟 𑄙𑄬𑄣𑄚𑄨𑄖𑄴𑅁
𑄚𑄪𑄃𑄮 𑄚𑄪𑄃𑄮 𑄛𑄬𑄭𑄇𑄴 𑄆𑄝𑄇𑄴
𑄉𑄩𑄖𑄴 𑄥𑄪𑄚𑄬𑄝𑄇𑄴 𑄟𑄧𑄖𑄴𑄪𑄚𑄴 𑄝𑄬𑄌𑄴 𑄝𑄬𑄌𑄴 𑄉𑄧𑄢𑄨𑅁
𑄌𑄬𑄢𑄮𑄇𑄨𑄖𑄴𑄬 𑄖𑄢𑄪𑄟𑄴, 𑄎𑄪𑄟𑄴 𑄦𑄧𑄝𑄧
𑄉𑄧𑄋𑄚𑄨𑄢𑄴 𑄇𑄬𑄠𑄬𑄖𑄴 𑄜𑄉𑄪𑄚𑄴 𑄜𑄨𑄢𑄨𑄝𑄮
𑄃𑄢𑄧 𑄚𑄪𑄃𑄮 𑄉𑄧𑄢𑄨 𑄖𑄧 𑄈𑄪𑄏𑄨 𑄈𑄪𑄏𑄨 𑄟𑄬𑄠𑄬𑄚𑄨𑄖𑄴𑅁

𑄟𑄪𑄭 𑄚𑄧 𑄗𑄚𑄢𑄴 𑄛𑄧𑄢𑄬
𑄇𑄨𑄏𑄪 𑄘𑄨𑄚𑄴 𑄖𑄧𑄢𑄴 𑄟𑄧𑄚𑄴 𑄇𑄚𑄨𑄝𑄮
𑄛𑄨𑄖𑄴𑄨𑄟𑄨 𑄉𑄧𑄣𑄨𑄝𑄮 𑄖𑄧𑄢𑄴 𑄇𑄚𑄮𑄚𑄨 𑄙𑄬𑄢𑄴𑄙𑄬𑄌𑄴𑄳𑄠 𑄌𑄮𑄊𑄮𑄛𑄚𑄨𑄖𑄴𑅁
𑄖𑄧𑄢𑄴 𑄟𑄧𑄢𑄴 𑄥𑄧𑄟𑄢𑄬 𑄇𑄘𑄬𑄠𑄴𑄳𑄠 𑄘𑄨𑄚𑄪𑄚𑄴 𑄦𑄨𑄙𑄮𑄖𑄴 𑄅𑄙𑄨𑄝𑄇𑄴
𑄛𑄨𑄝𑄨𑄢𑄴 𑄛𑄨𑄝𑄨𑄢𑄴 𑄝𑄮𑄠𑄬𑄢𑄚𑄨 𑄇𑄧𑄝𑄧𑄉𑄨 𑄟𑄧𑄚𑄬 𑄟𑄧𑄚𑄴 𑄟𑄨𑄣𑄮𑄚𑄨𑄖𑄴
𑄦𑄎𑄨 𑄡𑄬𑄠𑄴𑄳𑄠 𑄘𑄨-𑄎𑄧𑄚𑄬 𑄎𑄪𑄟𑄧𑄢𑄴 𑄖𑄨𑄢𑄮𑄎𑄬𑅁
𑄟𑄧𑄚𑄬 𑄦𑄧𑄝𑄧 𑄟𑄪𑄭 𑄆𑄞𑄧 𑄃𑄊𑄧𑄋𑄴 𑄖𑄧 𑄇𑄭𑅅
𑄆𑄞𑄧 𑄇𑄧𑄝𑄨𑄖𑄬 𑄇𑄳𑄦𑄧𑄋𑄴 𑄖𑄧𑄢𑄴 𑄙𑄉𑄧𑄖𑄴 𑄝𑄧𑄏𑄨𑅁
𑄈𑄣𑄨𑄇𑄴 𑄥𑄬 𑄘𑄨𑄚𑄪𑄚𑄴 𑄝𑄬𑄌𑄴 𑄚𑄧 𑄗𑄬𑄝𑄇𑄴 𑄖𑄧 𑄌𑄨𑄘𑄮𑄖𑄴
𑄝𑄮𑄠𑄬𑄢𑄚𑄨 𑄉𑄧𑄋𑄨𑄝𑄮 𑄃𑄢𑄧 𑄆𑄇𑄴 𑄜𑄉𑄪𑄚𑄮𑄖𑄴𑅁
𑄆𑄎𑄚𑄴 𑄉𑄧𑄢𑄨 𑄟𑄪𑄭 𑄖𑄧𑄖𑄴𑄗𑄪𑄚𑄴 𑄦𑄎𑄨 𑄡𑄬𑄟𑄴
𑄦𑄎𑄨 𑄡𑄬𑄟𑄴 𑄝𑄬𑄉𑄧𑄢𑄴 𑄟𑄧𑄚𑄧𑄖𑄴𑄪𑄚𑄴𑅁

𑄜𑄪𑄣𑄪𑄚𑄴 𑄏𑄧𑄢𑄨𑄝𑄇𑄴, 𑄉𑄏𑄧 𑄛𑄘 𑄏𑄧𑄢𑄨𑄝𑄪
𑄚𑄪𑄃𑄮 𑄉𑄧𑄢𑄨 𑄜𑄪𑄘𑄨𑄝𑄇𑄴 𑄜𑄪𑄣𑄪𑄚𑄴
𑄚𑄪𑄃𑄮 𑄉𑄧𑄢𑄨 𑄖𑄧 𑄟𑄧𑄚𑄧𑄖𑄴 𑄝𑄨𑄏𑄪 𑄆𑄞𑄧
𑄟𑄪𑄭 𑄚𑄧 𑄗𑄚𑄢𑄴 𑄎𑄬𑄢𑄬𑄃𑄮𑅁

𑄟𑄪𑄭 𑄚𑄧 𑄗𑄚𑄢𑄴 𑄛𑄧𑄢𑄬

𑄸𑄹-𑄶𑄽-𑄸𑄶𑄷𑄿

Spread the love
RannyePhul

Explore Chakma Literature, Culture & History

https://rannyephul.com

Leave a Reply

Your email address will not be published. Required fields are marked *